離島海岸地質遊－印洲塘、鴨洲、吉澳

鞦風起，遠足行山呢種有益身心嘅活動真係要join多幾次。如果要形容我嘅旅行經驗，無論喺香港定係到外地，都一定要用上山下海嚟形容。成日見到有朋友去外地旅行幾辛苦都冇問題，但番到香港就千歧唔好預佢。其實香港本身有好多好正嘅景點等住我哋到訪，唔去真係走寶。

早上8點半，我哋喺馬料水公眾碼頭搭船出海開始今次嘅一日遊。好可惜，有我雨神呢個貴人出門，天氣唔好係毫無疑問咁肯定㗎喇！

今次上山下海之旅最主要嘅行程就係遊覽印洲塘海岸公園、鴨洲同吉澳。

大家係下圖會見到是日行程嘅整個路線圖。怕搭船嘅朋友應該未出發先想嘔～

船離開碼頭後，途經大埔海，慢慢接近船灣淡水湖。船灣淡水湖主壩長約2.1公裡，係全球第一個喺海中興建嘅水塘，亦係香港麪積最大（約1250公頃）、容量第二大嘅水塘（僅次於萬宜水庫）。

喺呢度可以清楚望到馬屎洲特別地區～

遠覜慈山寺，見到寺內高70米嘅素白觀音聖像，有機會一定要去慈山寺參學。

我哋嚟到船灣淡水湖對出，位於西貢西北方赤門海峽嘅小島－燈洲，島上有座白色信號燈，好多人都鍾意嚟呢帶海上釣魚。

我哋正式進入赤門海峽啦！赤門（又名赤門海峽或吐露海峽）係香港海峽之一，位於船灣淡水湖東南岸及西貢西北岸之間。海峽東北耑連接大赤門，西南耑則連接吐露港。赤門海峽跟大赤門係南中國海與吐露港之間唯一嘅連接水道。 赤門喺香港地理上有其獨特之處，赤門北岸（黃竹角咀）嘅巖石屬沉積巖，但赤門南岸（荔枝莊）嘅巖石卻屬火成巖。

船灣淡水湖位於赤門海峽一邊另有兩條長200米，以沙和碎石分層堆砌而成嘅南、北副壩，仲有白色嘅溢水壩。呢個部分好多人會稱為－「將軍掛劍」，好似一把劍橫放喺海麪上，而虎頭沙半島白色燈塔係劍尖，燈塔用作鎮剎。

位於船灣淡水湖旁邊嘅一個小海灣就係－老虎笏。 老虎笏位於赤門海峽，灣內水質清澈，係舊珍珠養殖場。

以前老虎笏嘅舊珍珠殖場完全係「自成一角」，附近海域係著名嘅養珍珠海牀。喺1950年代船灣淡水湖興建之前，曾經有4間公司領有執照喺呢帶水域養珍珠，但因興建水塘令水質變差，加上香港工業起飛令環境進一步汙染，4間珍珠養殖場收成大減，先後結業。

香港被稱為「東方之珠」，不過唔知大家知唔知本港曾經盛產珍珠，香港採珠業可以追溯至公元963年（南漢時期），當時就係喺大埔海採集珍珠。到咗宋朝時係巔峰期，與廣東郃浦（即今日廣西北海市郃浦縣）齊名。由於採珠業發達，大埔海亦稱媚珠池，漁民則稱呼為珍珠江。大埔採珠業一直持續至明朝中葉先日漸式微。

老虎笏附近仍然殘畱珍珠養殖場遺跡及村屋。

宜家老虎笏大都改為從事養魚行業，大家嚟到可以見到有機漁排。

好喇！嚟到呢個位，唔知大家有冇見到D咩呢？

就係白虎石喇！真係超似㗎！

船繼續曏前，喺赤門海峽響螺角停泊咗一艘水警躉船。由於赤門海峽同大赤門係南中國海與吐露港以間唯一連接水道，所以為咗防止同打擊走私，係呢度設置作為海上檢查站及反走私浮動屏障。

警方防走私水上欄索

經過咗水警海上檢查站，見到呢個尖啄就代表嚟到鳳凰笏喇！

鳳凰笏聽聞係風水寶地，大埔頭鄧氏喺度有個鳳凰古墓。

船終於嚟到赤門海峽頂耑嘅黃竹角咀，離遠仲見到赤洲同塔門。

喺轉入黃竹角海，大家記得落足眼力睇怪石－「鬼臉石」。（上圖黃色圈圈住）

嚟到黃竹角咀，見到眼前紅白相間嘅巖石，就係我哋要睇嘅香港最古老嘅巖層 – 4億年嘅黃竹角咀組巖層。黃竹角咀嘅沉積巖地貌，紅色巖石係泥巖，白色巖石石英成份含量較高。

香港迄今發現藏有化石證據嘅最古老地層是源於泥盆紀嘅沉積巖，主要分佈喺赤門海峽兩岸。海峽北岸白沙頭至黃竹角咀一帶嘅碎屑巖沉積巖主要由砂巖、含礫砂巖和礫巖組成，名為「黃竹角咀組」，當中海峽北耑黃竹角咀一帶嘅出露情況尤佳。巖層受到地質構造運動的褶皺和錯動影響，已近乎直立，景貌磅礡壯觀。

此外，赤門海峽還有豐富嘅泥盆紀化石，呢D巖石中嘅寶藏深具價值，可作為鑒別地層年代及劃分地層層序嘅依據，同時有助大家了解香港自然環境遠喺泥盆紀所發生嘅縯變。

南北兩側嘅斷層均與其他地層接觸，厚度逾800米，巖性從下到上變化不大，全部由砂巖、粉砂巖、礫巖等碎屑沉積組成，然而巖石中嘅化石卻包含咗泥盆紀早至睌期嘅完整沉積序列。假如將泥盆紀嘅沉積情況和生物組郃結郃分析，可以看到赤門海峽北岸船灣淡水湖一帶在泥盆紀早期和中期大致是濱海、河口三角洲或近岸淺海沉積環境，所以發現雙殼類、介形類及葉肢介類等化石；至於晚期化石則是陸生原始蕨類植物，顯示沉積環境曾發生變化，海水後退，露出陸地。

體會地動山搖嘅大自然力量 – 黃竹角咀「鬼手巖」

大家搵唔搵到「鬼手」啊？就係黃圈圈住嗰隻喇！

鬼手巖係香港地質公園嘅重要地標，好多人都係相入麪睇過呢舊「奇石」。不過，由於路途遙遠，位置偏僻，要見鬼手真係要上山下海，所以唔少山友衹係隔住個mon睇過。

由於地殼變動，巖層被推起摺曲，擁有清晰層理嘅沉積巖由水平變成傾斜，露出原來嘅層理，而層理嘅間隙最脆弱，受到風化侵蝕，最後形成貌似手指嘅指縫。

保護地質遺跡 切勿攀爬「鬼手」! 

據講鬼手啲手指越來越短。請各位真係、千歧唔好跳上去影相！因為遊人太多，鬼手會受到破壞。所以絕對唔建議大家上岸，衹會喺安全情況下盡量駛近岸邊觀賞鬼手巖。希望大家做個盡責、有公德心嘅遊人，唔係下次去可能就已經見唔到鬼手巖啦！

赤紅海上丹霞－紅石門 

睇完鬼手巖，我哋曏紅石門方曏前進，大家見到兩岸巖石都呈赤紅色， 咁係因為山上嘅巖石受風化侵蝕，被雨水帶到岸邊，由於沉積物含鐵，經歲月洗禮，紅色氧化鐵將附近沙粒膠結起來，形成紅色嘅沉積巖，稱為『海上丹霞』。呢一帶嘅赤紅巖石由砂巖、粉砂巖、礫巖等組成，形狀大小不一，但全部都鮮紅如血。

突然見到右前方嘅往灣洲，有個好美國campsite嘅建築物。原來係Outward bound往灣洲探險基地（印洲塘），見到基地被清靜幽雅嘅自然美景所環繞，真係好想去參加訓練。

呢個時候竟然開始落雨，仲要瘉落瘉大！嚟到紅石門最窄位置，水道衹有約六十米寬，船家放慢速度，緩緩駛過，比起啱啱我哋喺赤門海峽嘅風高浪急，呢一片海麪完全風平浪靜。究竟呢度係邊度？

呢度就係香港地質公園，亦係本港4個海岸公園之一嘅印洲塘海岸公園。印洲塘海岸公園位於香港東北部海域，以山明水秀嘅風景馳名，好多人都用「上有蘇杭、下有印塘」形容印洲塘景色。印洲塘內仲有非常出名嘅「印塘六寶」添！一陣先同大家介紹「印塘六寶」～

印洲塘風景秀麗，景色如詩如畫，擁有香港「小桂林」同「小西湖」之稱。桂林山水甲天下，而眼前嘅景色真係比得上那風景如畫。煙雨迷濛，附近山脈麪貌輪廓若隱若現！印洲塘四周有羣山作屏障，阻擋波浪，夏天唔受季候風影響，鼕天亦避過西北寒風，全年海麪平靜，得天獨厚。

喺上一次冰河時期結束之前（約1萬2000年前），海平麪上陞令到印洲塘一帶原本係山嶺河穀嘅陸地被海水淹沒，最後形成灣灣相連，眾島環抱嘅內海環境。印洲塘一帶嘅巖石主要係較為年輕嘅晚白堊紀紅色沉積巖及較古老嘅侏羅紀凝灰巖。此外，印洲塘海岸公園擁有非常豐富的生態資源，包括紅樹林、海草牀、泥灘，以及珊瑚群落。

見到執毛洲啦！執毛洲係往灣洲附屬島嶼之一，位於往灣洲以北，印洲塘之內。如果唔係落雨令水位上陞，附近嘅淺水區域水清見底。潮退時，可以喺往灣洲涉水過到執毛洲上。

離開印洲塘，我哋嚟到吉澳海，不過我哋唔係去吉澳，而係去鴨洲。

鴨洲嘅名命係因為島嘅形狀好似一隻半浮於水麪嘅鴨。唔知大家覺唔覺得似隻鴨呢？

鴨洲（英語：Robinson Island，或音譯作 Ap Chau），又名大鴨洲，係香港其中一個島嶼，位於沙頭角海以東，吉澳以西。鴨洲島形狹長，四麪環海，風景怡人，島嘅麪積非常細小，衹有0.016平方公裡（2.8公頃），闊度僅有100碼。

鴨洲本來係一條漁村，上世紀五、六十年代全盛時期住了上千人，村民以捕魚為生，島上沒有食肆或旅館，衹有一間郃作社。呢度更沒有一般漁村的天後廟，反而有一座「真耶穌教會」，因為島上居民主要嘅信仰係由台灣傳來嘅真耶穌教會。1953年，政府推行全民教育，村民借用教會會堂做漁民子弟學校嘅課室，後來才籌建新校捨同運動場。（下圖）

由於當時鴨洲上並冇淡水，1960年駐港英軍由對岸梭羅盤村裝輸水琯到島上，解決村民缺水問題。1961年，島上居民接受了美國經援處資助，貸款三百多萬興建咗4座兩層樓高嘅平房居住，一共提供48個單位，每個單位約300平方呎。好過宜家恒X旗下北角新盤尚X得嗰163呎，更加好過英X旗下跑馬地新盤得61平方呎。

1969年，政府喺鴨洲興建碼頭。到咗1981年，安裝電纜到島上，鴨洲終於有電力供應。

好好彩上岸後，雨勢慢慢變小，真係太好喇！

鴨洲係香港有人居住而麪積最細嘅離島，島上曾經係興旺嘅漁村，後來漁業沒落，年輕一代紛紛他遷，現時衹賸下少數居民居住在此，人口不足20人。昔日嘅漁村風光，古樸生活氣息仍然濃厚，記載住歷史嘅廻憶。

民居中有間士多，大家可以喺度買飲品。經過民居、廢置舊屋，沿沙灘往北行，貝類灘上遍佈貝殼、蠔殼、螺殼、海膽殼，中間夾雜了碎石和玻璃碎片。

對麪見到嘅就係深圳鹽田港，唔使我多講，大家都知鹽田港嘅大老闆就係誠哥。

鴨洲島上設有一個小型垃圾焚化爐，亦有一個公廁。大家放心，下麪嗰個係舊公廁嚟，想用都冇得你用㗎喇！宜家個公廁係碼頭隔離，一上岸就見到。

鴨洲由多種沉積巖組成，主要包括角礫巖，礫巖及砂巖，巖石紅色嘅部分，表示含有鐵氧化物。沉積巖就像千層糕一樣層層曡起。一層圓滑的大石夾雜一層幼細的沙粒，沙粒的下層又是一層三尖八角的巖石，呢度嘅巖石質地比較脆弱，如果遇上狂風暴雨，就有崩塌嘅危險。因島上全為嶙峋巖石，遊人前往時應注意。島上東麪石灘有無數彩色石頭，大家一定要愛護同保護環境，絕對唔可以執走。

唔好睇鴨洲細細，內裏蘊藏住多個典型嘅海蝕地貌。離遠就可以見到鴨頭與鴨身分離，後段係身軀和屁股。鴨頭成了海蝕柱、鴨身佈滿了大大小小嘅海蝕洞，而鴨眼位置就係海蝕拱，仲有海蝕崖、海蝕平台、海蝕凹地。

話咁快就嚟到鴨眼洞，呢種海蝕拱嘅形成，就係小島受來自不同方曏嘅海浪衝擊，先形成海蝕洞，當兩邊嘅海蝕洞再被長期衝擊，最後打通形成一道天然拱門－「鴨眼」。

喺度再提提大家，由於鴨頭，特別係鴨眼洞嘅巖石非常脆弱，希望大家一定要小心，愛護大自然，絕對唔可以手多多，點都要用手掂下先開心安樂。唔係下次去到，個鴨頭已經倒塌咗就慘了。

穿過鴨眼洞後，我哋開始環島遊。其實行一圈鴨洲並唔難，但行咗一陣又開始落大雨喇！加上有d位要攀石，所以冇手影相。提提大家，如果大家想環鴨洲行一圈，記得記得一定要check潮汐時間，如果遇上潮漲就唔建議大家環島遊喇！出嚟玩姐，唔使用命博嘅！

其實鴨洲全島最高點山頂高28米，在觀景台遠望，海灣、小船、漁村風景盡收眼底，北望深圳鹽田港，仲有原來衹係咁近嘅沙頭角，不過雨瘉落瘉大令我懶得行上去喇。碼頭嘅信號燈好靚啊！

鴨籮春（左）與細鴨洲（右）

細鴨洲位於鴨洲新界東北部嘅鴨洲海，與毗鄰嘅鴨螺春、鴨蛋排與鴨洲白墩排等，都係屬於鴨洲嘅附屬島嶼。

鴨籮春（鴨籮膥）係一個無人島，意思係「喺鴨屁股嘅蛋」。 鴨籮春位於鴨洲海內鴨洲以西，細鴨洲以東。它喺鴨洲嘅附屬島嶼之一。喺香港嘅官方地圖中，鴨籮膥嘅「膥」字以「春」字通假，中文名寫為「鴨籮春」；英文島名就係Ap Lo Chun！

如果之前睇咗咁多幅鴨洲嘅相，大家都覺得唔似隻鴨，咁呢幅大家應該睇得好清楚喇！傳說有隻仙鴨得罪了天帝，於是被一手拍落凡間，於是鴨洲就好似一隻趴地鴨。 想清楚睇到趴地鴨，記得要將船使到對正鴨頭喇！

Bye bye , 鴨洲！跟住我哋就要出發去吉澳食龍躉大餐！ 當然仲用好辛苦嘅吉澳行山團啦，下一篇再講！